Alejandro Gómez recibe a medalla como Vigués Distinguido do ano 2020
Nun acto celebrado no Concello, Abel Caballero entregoulle a medalla ao atleta vigués que, acompañado da súa familia máis próxima, dixo sentirse honrado de recibir este galardón.
venres, 24 xullo 2020
O Concello aprobará a vindeira semana o proxecto de humanización e carril bici para o paseo da Avenida de Europa
venres, 24 xul 2020Abel Caballero informou este venres de que a Xerencia de Urbanismo do Concello de Vigo aprobará a vindeira semana o proxecto para construír o paseo entre a rúa Tomás Paredes e Samil ao longo da Avenida de Europa. A nova infraestrutura terá un ancho de sete metros para peóns e bicicletas.
O Tribunal de Contratación Pública avala dous concursos municipais de zonas verdes
venres, 24 xul 2020Segundo revelou Abel Caballero este venres, o órgano administrativo galego vén de rexeitar dous recursos especiais interpostos contra outros tantos contratos municipais de mantemento e conservación de parques e zonas verdes, por valor de 5,2 e de 33,2 millóns, respectivamente.
O rexedor celebra a portada das Illas Cíes na revista National Geographic
venres, 24 xul 2020O número de agosto da publicación leva na súa portada unha imaxe da praia de Nosa Señora das Illas Cíes, baixo o titular “Galicia, unha viaxe pola súa costa máis espectacular”. Abel Caballero amosou o seu orgullo e apuntou que isto supón que a revista “volve facerlle un recoñecemento ás Illas CÍes e a Vigo”, e por iso “as queremos Patrimonio da Humanidade porque The Guardian ou National Geographic, ámbitos especializados e de alto valor científico saben do valor das Illas Cíes”.
O alcalde asiste á clausura do campamento municipal das Travesas
venres, 24 xul 2020Abel Caballero visitou este venres o segundo campus que se desenvolve no pavillón municipal das Travesas onde un centenar de nenas e nenos desenvolveron ao longo da última semana actividades deportivas de diferentes disciplinas. O rexedor felicitounos polo éxito da experiencia e recalcou a importancia de que se realizase sen incidencias coas normas de seguridade da nova normalidade. Lembrou tamén que o Concello oferta este verán 3.000 prazas nos campamentos infantís e outras actividades didácticas e de ocio.
O Concello programa sete actuacións culturais para este venres
venres, 24 xul 2020O alcalde recordou que este formato de múltiples actividades en distintos espazos da cidade responde ao novo modelo de festas ante o Covid-19. A Praza dos Galegos Ilustres, a Pedra, Porta do Sol, o Mar de Vigo, a Miñoca, Samil e Lavadores, sedes dos espectáculos deste venres.