O alcalde explicou que o pasado luns o Concello desaloxou aos habitantes dos edificios anexos á Praza do Peñasco 5, polos desprendementos producidos neste a causa das obras do albergue de peregrinos que constrúe a Xunta. O Concello ordena a demolición por ruína do edificio e insta á Xunta a adquirir os inmobles anexos e incorporalos ao proxecto.
O alcalde anunciou este mércores que desde o vindeiro mes de decembro funcionará unha nova ruta de transporte urbano entre a Praza de América e a Centro Santa Marta, en Alcabre, logo da petición das persoas maiores ingresadas na residencia para dispor dunha liña de autobús.
Un total de 7.648 persoas solicitaron entre o luns e o martes pasado a súa inscrición no sorteo de entradas para a estrea nacional da película "Frozen 2" en Vigo. O Concello regalou 180 invitacións mediante sorteo para o pase da longametraxe este mércores na cidade.
O alcalde destaca a importancia desta obra para a que "houbo que esperar moito tempo" e que serve para completar a restauración da Praza. Contará con tres plantas de vivendas e uso sociocultural-recreativo na planta baixa e primeira.
O alcalde de Vigo saudou este mércores aos 24 novos axentes que se incorporan á Policía Local tras aprobar o ano pasado a oposición. Abel Caballero indicou que a oferta de emprego dos anos 2017, 2018 e 2020 sumará a outros 62 novos policías.
O maior evento de iluminación urbana e técnica de Galicia se celebrará en Vigo o 26 de novembro e foi presentado hoxe mércores no Concello, coa participación do tenente de alcalde e concelleiro de Fomento, Javier Pardo, e o delegado do Comité Español de Iluminación, Ángel González.
O concelleiro de Deportes presentou a San Silvestre 2019, acompañado por representantes das empresas patrocinadoras e de tres deportistas que ademais son habituais da última cita atlética do ano. Así, o 31 de decembro, ás cinco da tarde, miles de corredores sairán de Policarpo Sanz, á altura de Velázquez Moreno, a nova ubicación para un evento considerado como unha festa para todas as idades.