Segundo informou hoxe o rexedor, o texto do convenio foi asinado o pasado venres polo Ministro de Fomento en funcións e recolle un orzamento total de 13.478.559 euros de investimento na obra.
A Xerencia de Urbanismo aprobará mañá expedientes de rehabilitación das catro Áreas de Rehabilitación Integral do Casco Vello, do barrio histórico de Bouzas, de Santa Clara e das rúas Bueu-Moaña, que contan cun 85% de financiamento do Ministerio de Fomento.
Este luns, Abel Caballero avanzou que o próximo xoves sairá publicado o anuncio de licitación do estudo de alternativas para o abastecemento de auga de Vigo e do seu entorno, a cargo da Confederación Hidrográfica Miño-Sil.
O alcalde de Vigo informou de que este luns comezou a instalación dos arcos de luces do Nadal pola rúa Aragón e desde aí irán colocándose en toda a cidade un total de 2.500 arcos. Ademais, avanzou que o Concello porá na Porta do Sol un reloxo coa conta atrás para o acendido.
O alcalde de Vigo recibiu este luns aos responsables da iniciativa para por en marcha unha liña marítima de mercancía e pasaxe entre a cidade e Inglaterra e Irlanda. Caballero sinalou que o proxecto é "sólido" e ofreceu o apoio do Concello tras manter unha xuntanza con Javier Castro, de Incargo Galicia; Miguel Arcos, do Grupo Estela Shipping, e Amador Castro, director de desenvolvemento do proxecto.
O alcalde de Vigo, Abel Caballero, participou este luns na inauguración do Congreso de Sostibilidade Social no marco da Feira Conxemar que se celebra esta semana na cidade. No seu discurso o rexedor apostou polo como compromiso social e o respecto aos mares. Caballero deu a benvida aos participantes dunha cita á que asisten expertos de primeiro nivel mundial, entre os que están máximos representantes da FAO, Organización Internacional do Traballo, GAA ou Thai Union, ademais de altos cargos do sector privado.
Coa colaboración do Concello, este sábado 5 de agosto ás 20h terá lugar a primeira edición de "Cantares polo Camiño", na rehabilitada finca de Alcabre, e con entrada de balde ata completar aforo. Este luns presentouse este evento, que ofrece dúas horas de música en acústico a cargo dunha decena de autores.