Abel Caballero achegouse esta mañá ao acto de inicio de demolición do antigo hotel Samil, construído na década dos setenta. Este derrubamento permitirá iniciar a construción dun novo establecemento hostaleiro "moderno e ecoloxicamente moi ben adaptado ao terreo, nunha das mellores zonas de Vigo". Está previsto que as obras rematen en 22 meses.
Abel Caballero anunciou este luns que xa está en marcha a tramitación ambiental do proxecto que reformará o Barrio do Cura. "Barrio do Cura é unha das zonas máis interesantes da cidade e imos a manter a tradición e a arquitectura protexida", sinalou o alcalde.
A Xunta de Goberno Local deu luz verde tamén á quinta fase de humanización da rúa Aragón coa que conclúe a obra de renovación do vial que, segundo explicou o alcalde, supuxo un investimento de 7 millóns de euros.
O Mercado de O Progreso acolleu unha nova edición do proxecto Come rico, vive san que trata de inculcar nos máis pequenos hábitos alimenticios saudables. O alcalde achegouse esta mañá a un destes obradoiros nos que xa participaron máis de 400 estudantes.