O alcalde avanzou esta mañá que será a finais de outubro cando o Ministerio de Transición Ecolóxica convoque a reunión tripartita en Vigo na que abordará a solución definitiva para a auga, un problema que afecta a case medio millón de persoas. Unha vez máis, o alcalde criticou a inacción da Xunta por non acometer o transvase de emerxencia que "garanta que Vigo non quede sen auga".
"O noso obxectivo é que dentro de 2.000 anos as illas se conserven igual que agora", destacou Caballero na Casa das Artes, onde tivo lugar a presentación da XIX Exposición Galaico-portuguesa de Filatelia. No acto estiveron presentes tamén o presidente da Sociedade Estatal de Correos, Juan Manuel Serrano, e a presidenta da Deputación, Carmela Silva.
Logo de "sete meses" de espera polo visto bo de Patrimonio da Xunta de Galicia, o alcalde anunciou a aprobación do proxecto de humanización da Avenida das Camelias, entre Juan Ramón Jiménez e o cruce coa Hispanidade, por case 2,2 millóns. O Concello unirá ambas avenidas dando lugar a unha nova zona verde.
O Concello vén de aprobar un orzamento de 350.000 euros para desenvolver en 2019 o quinto programa de decoración de medianeiras e outros espazos públicos. Esta nova edición permitirá actuar sobre quince medianeiras e seis colexios.
O goberno local avanza na contratación das obras de renovación do céspede de outros cinco campos de fútbol (Navia, Meixoeiro, Candeán, A Bouza e Baltasar Pujales) por un importe de 1,2 millóns de euros. Estes traballos están incluídos nun convenio de colaboración coa Deputación de Pontevedra que supera os nove millóns de euros.
Abel Caballero informou da aprobación de subvencións a ACNUR e UNICEF para o desenvolvemento de programas de apoio a refuxiados e nenos sirios. O goberno de Vigo destina 40.000 euros para os refuxiados sirios no Líbano e outros 30.000 para a vacinación e nutrición da infancia siria.
Vigo acollerá en xuño de 2020 o Congreso Nacional de Médicos de Urxencias e Emerxencias, un importante evento que prevé reunir a uns 3.500 congresistas de toda España. Así llo trasladou esta mañá o comité organizador ao rexedor.
O alcalde, Abel Caballero, e o xerente do IFEVI, Arsenio Prieto, presentaron este xoves o evento, que terá lugar no recinto feiral o 20 de outubro, con máis de seis horas de música. O Festival ten vocación de apoio ás formacións de Vigo, polo que o cartel se completa coas actuacións de Motores e Iron Hunter.