Este luns voan a Inglaterra os primeiros 38 dos 750 alumnos beneficiarios do programa, todos eles sairán de Vigo ao longo dos próximos oito días. Abel Caballero, que acudiu ao aeroporto, recordou que o Concello concede este ano outras 92 bolsas de estudos a alumnos da Escola de Idiomas.
A ampliación do parque da Praza Independencia, que arranca comeza hoxe luns, é o primeira das oito áreas de xogo que vai construír ou mellorar o Concello nos próximos meses. Nas próximas semanas empezarán tamén os traballos en Navia, Barreiro e Pedro Alvarado.
Segundo revelou este luns Abel Caballero, a Rede de Entidades Locais pola Transparencia distingue cinco boas prácticas do Concello de Vigo, o que sitúa ao executivo vigués "á cabeza da transparencia". Información sobre os contratos menores, expedientes da Xunta de Goberno ou resolucións xudiciais, entre as recoñecidas.
O alcalde presentou a terceira edición do Memorial Paco Araújo, que se xogará entre o Celta Zorka (Liga Feminina 2) e o Embutidos Pajariel de Bembibre (Liga Día), con entrada de balde, este sábado 22 ás 19:30 horas no Multiusos de Navia. Abel Caballero asegurou o apoio municipal "polo que significa de homenaxe a unha persoa tan importante como Paco e que deixou tantos amigos", explicou.