Desde hoxe luns está aberta e funcionando a oficina municipal de atención aos afectados do Marisquiño en horario de 09,30 a 14,00 h. En dependencias do primeiro andar do Concello, un técnico en xestión e un xurídico asesorarán sobre reclamacións, documentación precisa e prazos a todos aquelas vítimas que así o decidan.
Abel Caballero informou este luns de que a Xunta de Galicia ten actualmente paralizadas un total de once obras en Vigo debido á falta de autorización do departamento de Patrimonio.
Nun acto oficial convocado desde a Alcaldía, o Concello de Vigo ofreceu este luns un "recordo e recoñecemento", entre outros demócratas, aos por entón alcaldes de Vigo e Lavadores, Martínez Garrido e Antela Conde, respectivamente, asasinados polo alzamento do fascismo en 1936.
O Concello avanza na adxudicación da redacción do Plan Xeral e o xoves 30 convocará a mesa de contratación técnica que elixirá as mellores propostas entre as 15 empresas aspirantes. O prezo de licitación é de 2,7 millóns e o prazo de execución é de 4 anos aínda que as previsións municipais pasan porque estes traballos rematen antes de que remate ese período.
O alcalde valorou este luns os resultados do II Barómetro sobre Satisfacción de los Servizos Públicos promovido polo Observatorio de Servizos Urbanos (OSUR), que indica que o 68% dos vigueses se amosa satisfeito cos servizos públicos que presta o Concello.