O rexedor anunciou a súa presencia na mobilización organizada o próximo 7 de xullo na rotonda da estación do tren de Coruxo para reclamar a continuación do pediatra no centro de saúde. En rolda de prensa avanzou que enviará unha carta ao presidente da Xunta reclamándolle a reposición do servizo.
Abel Caballero asistiu este luns á posta da primeira pedra da humanización de Vía Norte. A obra ten un orzamento de 2,3 millóns e inclúe un elemento escultórico na confluencia con Urzaiz. O acto celebrouse con música de violonchelo.
Abel Caballero avanzou este luns novas actividades musicais no Auditorio de Castrelos dentro do programa Vigo en Festas 2018. Trátase do "Rock en Familia", con tres bandas tributos a Bon Jovi, Ramones y Bruce Springsteen, e o espectáculo ‘Los Mundos de Peppa Pig y Ben&Holly’, que se suman aos "Cantajuegos" xa anunciados.
O Concello de Vigo puxo en marcha o Programa de Inserción Laboral de Mulleres Vítimas de Violencia de Xénero grazas ao que un total de 15 viguesas iniciaron o periodo de formación previo a súa incorporación ao posto de auxiliar de administración xeral e de ordenanza.
Abel Caballero reclamou á Xunta a autorización que lle permita construír un novo acceso no colexio Párroco Don Camilo, nos termos pactados coa comunidade educativa. O Concello enviou ao goberno autonómico un anteproxecto no mes de febreiro solicitando a aplicación da Lei Vigo para poder acometer estes traballos pero aínda non recibiron resposta algunha.