O alcalde achegouse esta mañá as instalacións do colexio Alborada para coñecer os distintos proxectos educativos que está a desenvolver o centro. Durante a visita, coñeceu da man dos estudantes, un bo número de iniciativas educativas relacionados coa lectura, a cidade e á investigación.
Segundo os últimos datos publicados polo Ministerio de Facenda, correspondentes ao mes de xaneiro, Vigo é a cidade española que antes abona aos seus proveedores. O alcalde, Abel Caballero, explicou que o Concello paga aos quince días de recibir a factura.
Nesta primavera, o goberno de Vigo ofrece formación teórica e práctica sobre a horta ecolóxica, o ciclo de cultivo e o consumo saudable, segundo informou este luns Abel Caballero, para persoas de entre 13 e 35 anos. O alcalde recordou que o Concello conta con nove hortas urbanas na cidade.
Abel Caballero rexeitou a proposta recollida na modificación do Plan Parcial de Navia realizada pola Xunta na parte que prevé construír aparcamentos en zonas verdes ou deportivas. En declaracións aos medios, o alcalde negou absolutamente esta posibilidade dado que se trata de terreos municipais.
O alcalde de Vigo, Abel Caballero, presentou este luns con motivo do Día do Libro o novo "Mapa Literario de Vigo", unha iniciativa da Biblioteca Pública Municipal Neira Vilas para amosar a riqueza cultural da cidade a través dos seus libros e os seus autores. O proxecto consta de dez rutas que percorren todos os barrios marcando os fitos literarios das obras.