Hoxe mércores volveu a operar o mercadiño de A Bouza, en Coia, con total normalidade, segundo informou o alcalde de Vigo. Efectivos da Policía Local e Nacional supervisaron desde primeira hora o axeitado funcionamento do mesmo e seguirán ese labor para a reapertura do de Bouzas o próximo domingo.
Ante a previsión do aumento da demanda do transporte público, o Concello pon en marcha este sábado e o domingo un servizo nocturno especial que conectará Samil e Navia co centro da cidade, amais de ampliarse a frecuencia das liñas N1 e N2 a 10 minutos ao igual que o C1 Circular Centro que prestará o servizo cada 8-10 minutos.
Abel Caballero amosou a súa solidariedade cos alcaldes dos municipios afectados polos incendios poñendo á súa disposición os efectivos municipais para colaborar na extinción dos lumes, como aconteceu este martes ao seren solicitados os servizos do Parque Municipal a través do 112 e do 085, polo que se enviaron 10 efectivos e 3 vehículos a Mondariz e 12 efectivos e 3 vehículos a Soutomaior.
A quincuaxésima terceira edición da Regata Ribeiro - Rías de Galicia recibiu hoxe o respaldo institucional, a dous días do inicio dunha proba que o alcalde da cidade, Abel Caballero, definiu como "a mellor de España".
Máis de 70 profesionais chegados de vinte países competirán no LXXVI Concurso Internacional de Tenis Club de Campo de Vigo, que terá lugar do 13 ao 20 de agosto. Caballero destacou o "background" da cidade no mundo do deporte. <br />