O alcalde mantivo un encontro este luns co director comercial de Air Nostrum, Juan Corral, quen lle trasladou o interese da compañía por continuar a súa relación con Vigo á vista dos bos resultados da operatividade dos destinos tradicionais e dos novos. Co "aeroporto en pleno lanzamento" di Caballero que a situación é "a crónica dun éxito anunciado".
O alcalde confirmou que, tras a aprobación en Xunta de Goberno das adxudicacións definitivas, este mércores iníciase a actividade no mercadiño de Coia con 75 postos de venda autorizados e o domingo 14 de agosto retómase en Bouzas con 80 comerciantes acreditados. Amais, o Concello destina 25.000 euros para as subvencións do Bono-Taxi que beneficiará a 85 persoas con mobilidade reducida. <br />
<br /> Unha representación da directiva, do corpo técnico e dos xogadores presentoulle ao rexedor nun encontro no Concello a sexta edición do campionato que se celebrará os días 19 e 20 de agosto. Caballero trasladoulles o apoio municipal ao "seu esforzo polo baloncesto de base en Vigo". <br />