O alcalde de Vigo inspeccionou hoxe xoves o estado dos traballos de mellora dos máis de tres quilómetros do vial, desde a Estrada de Camposancos ata Leonardo Alonso, "mostra da nosa acción no rural". Acompañado, entre outros, polo concelleiro de Fomento, David Regades, Abel Caballero explicou que ademais de asfaltar toda a rúa, renovouse a sinalización horizontal.
O alcalde, Abel Caballero, visitou este xoves a sede da Asociación de Familias de Persoas con Parálise Cerebral, situada en Navia, onde o goberno de Vigo levou a súa campaña de fomento da reciclaxe, que está a percorrer en total 43 centros públicos da cidade para chegar a case 4.000 escolares. A iniciativa forma aos máis pequenos nas nocións básicas da reciclaxe mediante un videoxogo didáctico.
O alcalde mantivo unha reunión con representantes da Fundación 10 de Marzo de Comisións Obreiras, xunto á súa secretaria comarcal, entidade sindical que ultima un recoñcemento a persoas do mundo laboral de Vigo polo seu apoio aos traballadores desde a ditadura ata a actualidade. "Sumámonos con entusiasmo á homenaxe", indicou Abel Caballero.