Abel Caballero detallou este mércores o programa municipal para o Entroido 2015 que dará comezo o venres, 13 de febreiro. O pregón correrá a cargo de Mario Vaquerizo, haberá concertos das Nancys Rubias, Kiko Veneno e varias orquestras, actividades infantís en distintos puntos da cidade e unha carreira popular, entre as principais propostas.
Promovida polo banco SabadellGallego coa colaboración do goberno de Vigo, a iniciativa tiña como obxectivo impulsar o comercio de proximidade e contou coa adhesión de 600 establecementos e a participación de 55.000 persoas. Responsables da entidade e o alcalde, Abel Caballero, participaron na entrega de tres cheques de mil euros a outros tantos comercios, gañadores dun sorteo entre os establecementos titulares de TPV.
Abel Caballero sumou hoxe ao "Concello e á cidade" á celebración do Día Contra o Cancro. Aproveitou a súa comparecencia cos medios para trasladarlle a Beatriz Figueroa "unha aperta moi forte para que saiba que estamos ao seu lado nesa tenaz batalla" que está a desenvolver en favor dos dereitos dos afectados por esta enfermidade.
O alcalde avogou hoxe por implicar a todo o goberno local nas tarefas que realizan os voluntarios municipais nas áreas sociais, asistenciais, mediambientais, solidarias, culturais e deportivas. Avanzou a súa vontade de estimular este servizo "vertebrador" da cidade para convertir o 2015 "no ano do voluntariado en Vigo"
Abel Caballero anunciou a celebración este domingo da segunda edición da Gran Bikedada, unha proposta ciclista "con dimensión de vida saudable", explicou o rexedor, e que sairá da zona do Náutico ás 9:00 horas para chegar ata o encoro de Eiras, en Fornelos de Montes e regresar ao momento de partida.<br />
O alcalde reiterou esta mañá a vontade do goberno local de acometer a renovación do campo de fútbol do Colexio Hogar dado que a propietaria, A Fundación, non asume as súas responsabilidades. Tal e como se fará no campo de O Carballal, sustituirase a terra por herba sintética de última xeración. O rexedor visitou hoxe as instalacións con ténicos municipais e membros da directiva do clube.