O alcalde de Vigo recibiu hoxe ao equipo español dirixido por Pedro Campos que participará na Volvo Ocean Race –volta ao mundo a vela-. O rexedor fixolles entrega dunha bandeira de Vigo que lles acompañará ao longo das mais de 38.000 millas nauticas que percorrerán e que será izada en cada un dos nove portos nos que farán escala.
O alcalde deu conta do inicio do proceso de licitación para adxudicar as obras de humanización da futura Praza de Martínez Garrido. Por importe de preto de 300.000 euros, renovarase o pavimento, iluminación e mobiliario, ademais de aumentar a zona de aparcamento.
O alcalde mantivo esta mañá un encontro cos responsables da comisión de festas de San Lorenzo de Coruxo aos efectos de planificar a cooperación nas festas de verán e de inverno que se organizan no Coto de San Lorenzo "un dos paisaxes máis bonitos de Vigo". Logo da reunión, o rexedor asegurou que o Concello comparte con este colectivo o seu prantexamento lúdico festivo. <br />