O alcalde, Abel Caballero, informou que a débeda viva do Concello de Vigo a 31 de decembro de 2013 quedouse en 39,9 millóns, datos do Ministerio de Facenda, a menor dos grandes municipios españois. Vigo ten prácticamente a metade da débeda de A Coruña (79 millóns) e a cuarta parte que Valladolid (156 millóns).
Abel Caballero explicou que os orzamentos de 2014 adican 1,3 millóns de euros a potenciar o deporte na cidade. Desta cantidade, a Xunta de Goberno local adxudicou hoxe venres 416.000 euros para os clubes de élite, mentres que o deporte de base recibirá uns 900.000 euros.
A edil de Normalización Lingüística, Isaura Abelairas, deu este venres a saída do Correlingua 2014, desde a Praza do Rei ao parque de Castrelos. O Concello colaborou programando a actuación de Maimiñas para os nenos de Infantil e facendo entrega de premios a colexios, xunto á Fundación Celta.
O alcalde invitou a todo Vigo a achegarse mañá sábado ao Pavillón de Bouzas onde, a partir das 17,00h, dará comezo o Torneo de Kárate Infantil Cidade de Vigo. A vixésimo sétima edición deste certame reunirá a 300 nenos, de entre 5 e 18 anos, que competirán en diferentes categorías.