Medioambiente actuará sobre tres humedais para revalorizalos e dalos a coñecer á cidadanía
A concelleira de Medioambiente, Chus Lago, anunciou este luns que o seu departamento realizará melloras nos humedais da Bouza, de Goberna-San Andrés e do Vao para revalorizalos e dalos a coñecer á cidadanía viguesa. Segundo indicou, en dous meses estará rematado o estudo dos humedais e iniciarase a divulgación dos mesmos mediante trípticos, carteis informativos e incluso barállase a posibilidade de habilitar un paseo para ser visitados.
