luns, 21 dec 2009
O tenente de alcalde, Santi Domínguez, asinou este luns un convenio de colaboración cos respectivos secretarios comarcais das centrais sindicais CIG, Serafín Otero, UGT, Antonio Juste, e CC OO, José Cameselle. En virtude deste convenio, a Tenencia de Alcaldía aportará 16.600 euros a cada sindicato para manter oficinas de información sobre as medidas que dende as concellerías nacionalistas se poñen en marcha para paliar os efectos da actual crise económica.
luns, 21 dec 2009
Segundo indicou Abel Caballero, o premiado arquitecto Thom Mayne -encargado do deseño da nova estación- presentará a mediados de xaneiro ao alcalde unha maqueta da súa "espectacular" proposta arquitectónica para Urzáiz, que será definitiva a finais do citado mes. A futura estación non lle custará "nin un céntimo" ao Concello, que gañará ademais 40.000 metros cadrados de espazo na azotea do futuro edificio.
luns, 21 dec 2009
Os edís Santos Héctor e Xulio Calviño acompañaron este luns na presentación de hoxeaparco.com ao director técnico da empresa, David García, emprendedor apoiado e impulsado polo Servizo de Asesoramento a Emprendedores da Concellería de Promoción Económica e Emprego. O proxecto procura a cesión de prazas de aparcamento privadas entre usuarios durante unhas horas determinadas, encaminado principalmente aos horarios laborais.
