A Comisión Executiva da FEMP nomeou este martes ao alcalde de Vigo, Abel Caballero, presidente da Rede Española de Cidades polo Clima, entidade dirixida a promoción das políticas de desenvolvemento sostible e ao impulso de políticas locais de loita contra o cambio climático. Na actualidade, a Rede aglutina a case 19 millóns de personas de 190 municipios españois.
A iniciativa da Concellería que dirixe Laura López Atrio procura acadar unha "educación transversal", coa colaboración dos restantes departamentos municipais. O obxectivo pasa por crear "espazos educativos en cada distrito".
O centenario da primeira interpretación do himno galego, que tivo lugar na Habana en 1907, é o eixo central da exposición "O himno. Os tempos son chegados" que dende hoxe e ata o vindeiro 27 de abril se pode visitar na Casa das Palabras. A mostra, que foi presentada polo concelleiro de Cultura, Xesus López, o secretario xeral de Relacións Institucionais de Vicepresidencia, Xoán Antón Pérez-Lema, e o comisario da exposición, Miguel Anxo Seixas, e está integrada por dez paneis que levan por título versos do propio himno, composto pola música de Pascual Veiga e os versos de Eduardo Pondal.
A concelleira de Educación, Laura López Atrio, ven de presentar as unidades didácticas editadas polo seu departamento municipal " Construíndo unha cidade" e "Xacementos arqueolóxicos" co fin de reforzar o coñecemento de Vigo coa axuda de materias informativos e gráficos.
A Escola Municipal de Teatro programa para o mércores día 26 os actos conmemorativos do Día Mundial do Teatro co lectura dun manifesto do director canadense Robert Lepage e varias representacións dos alumnos da escola. Os actos terán lugar ás 19 horas no auditorio Monte da Mina de Castrelos.