O alcalde, Abel Caballero, mantivo este luns unha reunión con membros da Asociación de Empresas de Novas Tecnoloxías, na que se tratou a colaboración desta entidade para a creación dun Consello Asesor que guíe a política municipal nesta materia.
"Temos que garantir que os mozos teñan espazos para relacionarse e convivir de xeito compatible co dereito irrenunciable á limpeza e ao descanso", afirmou este luns o tenente de alcalde, Santi Domínguez, nunha comparecencia conxunta coa concelleira de Xuventude, Iolanda Veloso, na que explicaron a proposta que o BNG presentará na comisión que sobre o botellón se creará no Concello de Vigo.
O I Torneo Internacional de Pádel "Cidade de Vigo" diputarase do 16 ao 23 de novembro no Círculo Mercantil e os días 23 e 24 no IFEVI, onde terá lugar a última fase. A final será retransmitida en directo pola Televisión de Galicia.
Froito da colaboración do Servizo de Educación do Concello de Vigo e a Obra Social Caja Madrid, o Auditorio Municipal albergará desde este luns ata o xoves o espectáculo de teatro negro para escolares "No eres una lagartija", a cargo da Compañía Burgalesa "Fantasía en Negro Teatro". O mércores día 14 de novembro ás 19.30 hs haberá unha representación familiar en aberto, previa presentación de invitación correspondente.