A Corporación Municipal aprobou incrementar a partida de productividade nos orzamentos da Xerencia Municipal de Urbanismo e o Concello en 47.000 euros e 1.132.819 , respectivamente, nun pleno celebrado hoxe no que tomou posesión como novo concelleiro do PSdG-PSOE da Corporación Municipal de Vigo, Abel Losada Álvarez.
O próximo xoves, día 30 de novembro clausúrase a exposición "Os Hernández, ourives de Vigo", que se está a mostrar no Museo Municipal de Vigo "Quiñones de León". Por outra banda, o martes 28 ás 17,00 h. realizarase unha visita guiada á mesma que contará coa participación do orfebre Eloy Hernández e da comisaria da exposición Mariel Larriba.
A Xunta de Goberno Local aprobou , na reunión de hoxe, as bases do concurso "Vente con Reis Magos 2007" que ten como obxecto seleccionar a 36 nenos e nenas para acompañar aos reis Magos na comitiva real da Cabalgata de Reis.
O Pleno da Corporación aprobou por unanimidade unha declaración institucional sobre a violencia de xénero na que se recolle o compromiso de <br /> traballar na prevención da violencia contra as mulleres, poñendo en marcha actuacións que evidencien que a raíz deste problema está nas relacións de poder históricamente desiguais entre homes e mulleres.