A alcaldesa ,Corina Porro e o concelleiro de Urbanismo, José Manuel Figueroa visitaron esta mañá a parcela de Barreiro onde comezaron a primeiros de mes as obras de urbanización que comprenderán unha superficie de 103.581 m2 e un investimento total de 3.432.151 euros.
A Fundación Provigo presentou hoxe, na reunión do Padroado que se celebrou na Alcaldía, o "Estudo sobre potencialidades e oportunidades de negocio do aeroporto de Vigo", un documento no que se marca o camiño para que Peinador alcance os dous millóns de pasaxeiros en 2010.
A Casa das Artes presenta desde hoxe a VIII Bienal de Arquitectura Española coa exposición dos mellores 34 proxectos de arquitectura realizados por estudios a nivel estatal, aínda que as obras se realizasen no estranxeiro ou obras de estudios estranxeiros construídas en España.
A Federación Veciñal "Eduardo Chao" , con motivo do "Día Internacional Contra a Violencia de Xénero" , recoñecerá o labor da Casa de Acollida nun acto que se celebrará o día 22 ás 19 horas no salón de actos da Federación (praza da Princesa).