O Concello propón dotar a Vigo de cinco túneles urbanos (Aragón-Martínez Garrido, Camelias-Venezuela, Castelao-Grove, Beiramar e Guixar) e unir o territorio municipal entre o nó de Buenos Aires e o nó da Balsa (segundo cinto) por medio da Ronda de Vigo. A proposta foi presentada hoxe martes pola alcaldesa, Corina Porro, como unha vía para "retirar o tráfico da superficie e mellorar a mobilidade".
A alcaldesa, Corina Porro, colocou hoxe martes a primeira pedra da futura piscina de Valadares, instalación que se enmarca no Plan de Piscinas deseñado pola Concellaría de Deportes. Ao inicio das obras de construción desta piscina seguiranlle nas próximas datas o das outras dúas previstas no Plan, na Miñoca e en Barreiro.
Un antigo colexio é na actualidade un proxecto de futuro para o barrio de Coia. Os depositos municipais de Santa Cristina albergan dende os 90 as pedras que conformaban a estructura do edificio. Unha construcción que situábase fai 25 anos entre Torrecedeira e Pi y Margall.
O concelleiro de Cultura, Festas e Animación Sociocultural, Ignacio López Chaves, presentou esta mañá de martes no Concello de Vigo o concerto de El Sueño de Morfeo. O recital que abrirá o grupo galego Quatro d Abril, vaise celebrar o venres 7 de xullo no Parque de Castrelos a partir das once da noite.