A Lonxa contará cun sistema de poxa informatizado e un novo espazo para duchas e taquillas. O Plan prevé ademais a instalación dun "traveling" na zona da Lagoa-Teis con capacidade para elevar 100 toneladas.
As asociacións integrantes do Consello Local de Accesibilidade do Concello presentaron as súas propostas para facer de Vigo unha cidade máis accesible para as persoas de mobilidade reducida. A alcaldesa, Corina Porro, comprometeuse a "sumar esforzos para conseguir unha sociedade máis xusta e integrada".
Como tódolos anos o Espacio Xovén do Castro dentro do programa Súbete ó Castro comenza a súa andaina de Castroconcertos dende maio ata setembro. Os concertos terán lugar no escenario a carón do circuito de bicicletas tódolos sábados a partires das 23:00. Este sábado actuarán os grupos Runa (rock) e Natty Roots (reggae).
A Concellería de Patrimonio Histórico do Concello de Vigo, por medio da Casa do Cesteiro e Centro de Artesanía Tradicional, vén de convocar oito cursos de verán sobre outras tantas especialidades no oficio da cestería. Estes cursos, abertos a todo tipo de persoas interesadas, teñen unha duración de 45 horas con formación intensiva durante 10 días laborables seguidos, en horarios de mañán e tarde. Os primeiros cursos darán comezo o 20 de xuño e os últimos o 12 de setembro.
A Semana de Teatro Afeccionado, organizada pola Agrupación de Centros Deportivos e Culturais co patrocinio do Concello, celebrarase en Vigo no próximo mes de novembro. O obxectivo deste certame é dar saída ao traballo dos máis de 200 grupos de teatro afeccionado que hai en Galicia.<br />
<br />
<br />