O alcalde, Lois Castrillo, sinalou que con esta urbanización de 133 vivendas gañaranse 2.300 m2 de zonas verdes de uso público e dotacións deportivas, culturais e sociais para os cidadáns de Alcabre. Instalarase tamén a rede de servicios de saneamento, gas e alumeado e mellorarase a rede viaria da parroquia.
O alcalde Lois Castrillo e a concelleira de Participación Cidadá, Mariló Cabaleiro, inauguran o sábado o auditorio do Centro cívico de Teis despois de que se rematase a segunda fase do proxecto da construcción do centro, sito na prolongación da rúa Pedro Alvarado no barrio de Teis.
A presentación de solicitudes remata o 26 de maio, para o que será preciso adxuntar a documentación requirida.
Santiago Barros ofrece o domingo un concerto de piano dentro da programación do ciclo de música de interpretes xoves "Xeración 2000+3" e que organiza a concellería de Cultura. O concerto será a partir das 20.30 horas no auditorio do Conservatorio Superior de Música de Vigo.
O programa ¿Xogas?, en galego podemos ofrece un obradoiro de pintura sobre o Principiño, de Antoine de Saint-Exupéry, conmemorativo dos 25 anos de traducción ao galego polo escritor Carlos Casares o domingo 18 de maio ás 12:00 a carón do Museo de Arte Contemporánea con motivo da celebración do Día internacional dos museos.
O luns celebrarse Comisión de Goberno a partir das nove da mañá na sala de Comisión, co seguinte orde do día: