Entre as conclusións das xornadas celebradas a semana pasada está a necesidade de traballar con método no eido da exclusión e de incidir na prevención a través da educación, familia e saúde.
O concelleiro de Tráfico, Seguridade e Transporte, Xaquín de Acosta, fixo entrega dunha ambulancia asistencial medicalizada a Protección civil. O orzamento deste vehículo foi de 29.000 euros cofinanciados entre o Concello e Caixanova.
A Casa da Xuventude acolle a inauguración da mostra do Concurso Fotográfico da IV Vig-Bay a partir das 19:30 horas. No acto daranse a coñecer as imaxes premiadas na edición deste ano entre as realizadas polos dez finalistas. O certame, patrocinado pola Concellería de Xuventude, Vieirasa e Vigo Foto elixe as mellores instantáneas sobre a última media maratón Vig-Bay, celebrada entre Samil e Baiona o pasado 6 de abril.
O parque das ciencias naturais-Vigozoo abriu unha exposición, en colaboración coa Obra social de Caja Madrid, con exemplares de insectos de grande espectacularidade. Pode visitarse ata o 5 de xuño de 10:30 a 14:00 e de 16:00 a 20:30 horas.