O Concello subvencionará con 144.000 euros actividades sociocomunitarias e de participación cidadá
O Concello subvencionará con cerca de 144.000 euros o fomento de actividades de participación cidadá e desenvolvemento sociocomunitario para o ano 2005. Ademais, hoxe luns a Xunta de Goberno Local acordou destinar 37.000 euros ao pagamento do programa "Deporte para persoas maiores".
![1129554707chema1710.jpg 1129554707chema1710.jpg](https://xornal.vigo.org/storage/xornal-historico/medi/xornal/noticias/imx/opt/1129554707chema1710.jpg)
Un total de 64 asociacións viguesas recibirán uns 144.000 euros en concepto de subvencións para o desenvolvemento de programas de participación cidadá e sociocomunitarios durante 2005. As entidades beneficiarias son de carácter veciñal, sociocultural, deportivo, xuvenil ou asistencial, entre outros.
Por outra parte, na súa reunión de hoxe luns a Xunta de Goberno Local tamén decidiu destinar 37.000 euros ao pagamento do programa "Deporte para persoas maiores", que inclúe as actividades de ximnasia de mantemento e piscina, ambas as dúas impartidas por monitores. O obxectivo deste programa é mellorar a calidade de vida dos anciáns.
Na área de Muller, foi aprobado o proxecto de convenio de colaboración entre o Concello e a Federación de Peñas Recreativas "El Olivo" para o apoio ao equipo de fútbol feminino "El Olivo-Faro de Vigo", cun importe de 6.000 euros.
Así mesmo, a Xunta de Goberno revisou o contrato do servizo de vixilancia do Museo Municipal "Quiñones de León", adxudicado á empresa Securitas. Deste xeito, para o periodo comprendido entre o 10 de outubro de 2003 e o 10 de outubro de 2004, o prezo establecido agora é de 211.460 euros, mentres que polo periodo que vai de outubro de 2004 a outubro de 2005 esta empresa recibirá 219.072 euros. Polo mesmo acordo, o Concello prorroga este contrato ata o 9 de outubro de 2006.
Por último, o servizo de mantemento e infraestructuras da rede trunking de comunicacións foi adxudicado á empresa Talleres Electrotécnicos de Pontevedra, por 15.938 euros.
Descargar todas as imaxes
Por outra parte, na súa reunión de hoxe luns a Xunta de Goberno Local tamén decidiu destinar 37.000 euros ao pagamento do programa "Deporte para persoas maiores", que inclúe as actividades de ximnasia de mantemento e piscina, ambas as dúas impartidas por monitores. O obxectivo deste programa é mellorar a calidade de vida dos anciáns.
Na área de Muller, foi aprobado o proxecto de convenio de colaboración entre o Concello e a Federación de Peñas Recreativas "El Olivo" para o apoio ao equipo de fútbol feminino "El Olivo-Faro de Vigo", cun importe de 6.000 euros.
Así mesmo, a Xunta de Goberno revisou o contrato do servizo de vixilancia do Museo Municipal "Quiñones de León", adxudicado á empresa Securitas. Deste xeito, para o periodo comprendido entre o 10 de outubro de 2003 e o 10 de outubro de 2004, o prezo establecido agora é de 211.460 euros, mentres que polo periodo que vai de outubro de 2004 a outubro de 2005 esta empresa recibirá 219.072 euros. Polo mesmo acordo, o Concello prorroga este contrato ata o 9 de outubro de 2006.
Por último, o servizo de mantemento e infraestructuras da rede trunking de comunicacións foi adxudicado á empresa Talleres Electrotécnicos de Pontevedra, por 15.938 euros.