A concelleira de Benestar Social, Marta Iglesias, visitou hoxe mércores o centro ocupacional da asociación de axuda ao enfermo psíquico DOA, situado na rúa Romil, para "coñecelo de primeira man". O Concello colabora con DOA a través dun convenio para o desenvolvemento de actividades de rehabilitación.
Operarios municipais están a talar 40 árbores do xénero "populus" na avenida de Castelao, en previsión de problemas en canto a tipos de poda e lonxevidade que poderían presentar no futuro. No seu lugar plantaranse árbores de especies máis axeitadas ás condicións desta zona verde.
A vogalía da Muller da Asociación Veciñal "Val do Fragoso", organiza a IX Edición, do Certame de Fotografía Feminina "Ollada de Muller", no marco do mes cultural da muller 2005. O Certame está subvencionado pola concellería de Muller e o prazo para a entrega das fotografías remata o vindeiro 18 de novembro.
O Consello da Xerencia Municipal de Urbanismo celebra sesión ordinaria o xoves, 20 de outubro, ás 10 horas, co seguinte orde do día: