A XVIII edición de “Cancións dos nosos barrios” conta con 20 agrupacións
O alcalde asiste aos concertos que teñen lugar na Finca de San Roque ata o venres 31 de xullo, cun programa variado de formacións que recuperan a música popular.
Tradición e celebración festiva congregan durante cinco días na Finca de San Roque a centos de persoas ao redor das actuacións das agrupacións do programa “Cancións dos nosos barrios”.
Entre as formacións participantes atópanse Lirolua, Loureiro verde, Montecelo, Cordas e Voces, Os Silandeiros, Tarxa, Os Bohemios, Mistura, A Xaiba, Arco da Vella, O Coto do Carballal, Grupo Amieiro, Grupo Maruxía, Arume, Airiños do Mar de Teis, Ondas da Ría, Son do Val, Lembranzas Moañesas, Baiona Bay e A de Sabas de Teis.