O Rally Rías Baixas percorrerá 127 quilómetros da área de Vigo
Abel Caballero participou esta mañá na presentación da 59 edición da proba do motor, que se celebrará os días 2, 3 e 4 de xullo.
Os participantes percorrerán na primeira xornada os tramos Ponte Caldelas – Vilarchán de 13,720 quilómetros, e Ponte Caldelas-Anceu de 8,160 quilómetros. A saída da etapa do venres 3 de xullo terá lugar en Samil, ás 16.00 horas. O final de xornada será no parque pechado de Policarpo Sanz, a partir das 23:24 horas.
O sábado 4 de xullo o percorrido contará cun total de catro tramos a dobre pasada: Vigo – Nigrán, de 14,770 quilómetros; Gondomar – Porriño, de 11,450 quilómetros, e Salceda – Ponteareas, un novo tramo, con percorrido inédito de 12,810 quilómetros que unirá ambas as localidades.