As reservas para o concerto de Deep Purple en Castrelos sairán á venda o 25 de xuño
Abel Caballero informou da venda das reservas para a platea do primeiro dos concertos de Castrelos deste verán, que mantén o mesmo sistema que o ano anterior, con dobre quenda de mañá e tarde.
O alcalde explicou os detalles de venda das 5.000 localidades para poder gozar do grupo de rock Deep Purple desde a platea de Castrelos o xoves 2 de xullo.
Tal e como explicou, a venda que terá lugar o xoves 25 de xuño, será de xeito presencial nas billeteiras do Auditorio de Castrelos e online na web www.vigo.org. Para facilitar o acceso de toda a cidadanía, as entradas sairán en dúas quendas (en horario de mañá de 9:00 a 14:00 horas e pola tarde de 16:00 a 21:00 horas). En cada quenda estarán á venda 2000 reservas físicas e 500 de xeito online. Cada persoa poderá retirar 4 reservas, que son nominais e intransferibles, polo que terán que acudir cunha copia do DNI (ou outro documento de identificación) das persoas para as que queira adquirir a reserva.