A carreira de San Xoán contará coa participación de 700 atletas
O alcalde presentou esta mañá a oitava das doce probas anuais que conforman o circuíto de carreiras populares Run Run Vigo. Comezará ás 21.00 horas de mañá martes, desde a rotonda da Praza do Bicentenario, para finalizar na praza do Berbés cunha sardiñada. Este ano baterase a marca de participación.
Abel Caballero detallou, cos directivos da Agrupación Viguesa de Atletismo, José Luis Domínguez e Eleuterio García, así como cos atletas Marcos Sanjurjo e Mario Luaces, e os concelleiros Manel Fernández e Nuria Rodríguez, o itinerario da 42 edición da carreira de San Xoán. Os atletas iniciarán o percorrido, de 7,7 quilómetros de lonxitude, na praza do Bicentenario para continuar por Pi y Margall, López Mora, Arquitecto Bar Boo, rúa Coruña, rúa Tomás Alonso, Paulino Freire, Beiramar e finalizar nos soportais do Berbés.
Tras finalizar a proba deportiva, os corredores degustarán 150 quilos de sardiñas.