Caballero visita o avance da obra "para a transformación da Avenida de Madrid"
O alcalde achegouse ata a Avenida de Madrid para coñecer os avances da obra que hoxe remata a retirada dos valos laterais. "É unha obra excepcional e pola que temos gran interese", explicou. Para Caballero, a humanización da Avenida de Madrid "será unha nova forma de entrar en Vigo, con seguridade, permeabilidade, e converténdoa nunha avenida urbana". A obra está cofinanciada co Goberno de España, que achega o 70% dos 17 millóns de euros.
