A ETRAD ofrece unha xornada de portas abertas
O rexedor explicou esta mércores que se levarán a cabo os días 23 e 24 de xuño.
A escola realizará unha xornada de portas abertas os días 23 e 24 de xuño e contará con dúas quendas ás 17:00 e 19:00 horas. Cada profesor realizará unha exposición do seu instrumento e permitirá que os asistentes poidan probalos, deste xeito os asistentes terán unha primeira aproximación ao mundo da música tradicional.
“Son de Seu é a mellor orquestra de música tradicional galega que hai na comunidade autónoma”, destacou Caballero, explicando que teñen “a súa base na Escola Municipal de Música Folk e Tradicional de Vigo”.