Abel Caballero reúnese coa dirección de Bimba y Lola
Jose Manuel Martínez, CEO de Bimba y Lola e Belén Montenegro, HR director, trasladáronlle ao rexedor a súa satisfacción polo novo emprazamento da súa sede na cidade e agradeceron o apoio do Concello no traslado a estas instalacións. O alcalde puxo en valor a "magnífica" proposta de acción de cooperación cultural que fixeron e transmitiulles "o agrado" pola súa actividade. "Son unha empresa de Vigo e entenden que o ámbito cultural é parte central de identificación de empresa e cidade", recoñecendo que estas accións supoñen "traballar en favor da cidade, algo que merece o noso recoñecemento".
