Disney escolle Vigo para a promoción da estrea de "Blancanieves"
O rexedor achegouse esta mañá ao Farol de Urzáiz, localización onde Disney instalou un dos elementos máis icónicos da película: a mazá. Trátase dun elemento que supera os 3 metros de altura, que pesa uns 120 quilogramos, que contén o título do filme e a data de estrea, o vindeiro venres 21 de marzo. Caballero sinalou que Disney presenta o filme "na mellor cidade de España que é Vigo", explicando que na historia de Blancanieves "os soños fanse realidade, como na nosa cidade". Protagonizada por Rachel Zegler e Gal Gadot, realiza unha versión renovada do clásico de 1937.
