O Ifevi acolle a XIV edición de Retro Galicia o 15 e o 16 de febreiro
Caballero animou a todos os amantes dos vehículos clásicos e de colección a achegarse a próxima fin de semana ao recinto feiral de Vigo. O Salón Retro Galicia contará con modelos emblemáticos, marcas lendarias e figuras clave do automobilismo.
Abel Caballero participou esta mañá na presentación de Retro Galicia, o salón de referencia para os amantes dos vehículos clásicos e de colección, que celebra a súa XIV edición os días 15 e 16 de febreiro no Ifevi. Nesta ocasión, a feira renderá homenaxe a algúns dos grandes fitos da historia do motor, reunindo modelos emblemáticos, marcas icónicas e personaxes moi destacados do mundo do automobilismo.