VigoCultura ofrecerá 28 espectáculos no primeiro semestre de 2025
O alcalde deu conta da nova programación, que comezará o días 31 de xaneiro cun pasarrúas en Príncipe. VigoCultura ofrecerá 23 actuacións galegas e outras 5 de fóra de Galicia.
O 31 de xaneiro de 2025 volve VigoCultura. Abel Caballero deu conta da programación oficial que se desenvolverá no primeiro semestre do ano e que contará con dúas estreas galegas: “Influencers” da compañía NegroLópez e “NIK-EU” de iXa. O Auditorio Municipal volverá ser o escenario principal para os espectáculos que, segundo vaticinou o alcalde, “volverán bater todos os récords de asistencia”. O goberno local inviste 133.000 euros para os espectáculos programados ata o 2 de maio.
O programa VigoCultura fará a súa apertura con dos shows na rúa Príncipe, o 31 de xaneiro e 1 de febreiro, para presentar a programación completa.
As propostas para o público familiar inclúen monicreques, circo, maxia, comedia e un espectáculo musical para a primeira infancia (0-3 anos). Pola outra banda, para os adultos haberá teatro contemporáneo, comedia, monólogos, drama, música, circo e danza. Serán 23 funcións galegas e 5 de fóra de Galicia.