Caballero felicita á hostalería pola súa calidade na X edición do Petisquiño
O alcalde achegouse á entrega de premios da X edición do Petisquiño, onde o establecemento La Marciana se alzou co primeiro galardón. Abel Caballero louvou a calidade das tapas nos establecementos de hostalería de Vigo e a acción dos que se dedican á cociña: "Sodes uns dos embaixadores do turismo polo servizo marabilloso que recibimos os vigueses e viguesas e o que reciben os turistas. A nosa hostalería é un dos motores da cidade". A entrega de premios reuniu a ducias de persoas do sector no Hotel Attica 21 de Samil.
