Rematadas as obras de mellora do aparcamento da praia de Samil preto do Centro de Coordinación e Salvamento
O Concello realizou esta semana obras de mellora no aparcamento da praia de Samil situado na zona do Centro de Coordinación e Salvamento, onde se asenta a Policía Local e Cruz Vermella.
Abel Caballero destacou hoxe a mellora substancial realizada nos últimos días no estacionamento da praia de Samil, que esta fin de semana se vai utilizar como escenario das copas do mundo e de Europa de Tríatlon. “O aparcamento mellorado quedará para a utilización de miles de persoas durante todo o verán que aparcan nunha zona en que terán moitas mellores condicións", remarcou.