O domingo celébrase a "Carreira Praia de Samil FE Seguros-IV Memorial Alfonso Varela" con 1.200 corredores
O vindeiro domingo 19 de maio celébrase a “Carreira Praia de Samil FE Seguros-IV Memorial Alfonso Varela” coa participación de 1.200 corredores, dos que 500 son nenos, segundo explicou hoxe Abel Caballero.
O areal de Samil será escenario este domingo 19 da carreira “Carreira Praia de Samil FE Seguros-IV Memorial Alfonso Varela”, segundo anunciou hoxe o alcalde.
O rexedor explicou que a competición desprega catro probas onde destaca a "Carreira Absoluta", para maiores de 16 anos, que contará cun percorrido de 8 quilómetros integramente sobre a area. Os nenos de 6 a 8 anos realizarán un percorrido de 400 metros, os de 9 a 11 anos farán un traxecto de 1.000 metros, e os de 12 a 15 anos correrán 2.200 metros. Caballero lembrou que a carreira obtivo en 2023 o premio á mellor proba atlética, e que está incluída no circuíto RunRunVigo 2024