O goberno local adxudica o plan para protexer máis de 900 edificios do Ensanche
O Plan Especial de Protección do Ensanche para protexer o patrimonio arquitectónico e histórico da cidade velará pola rehabilitación de case 900 edificios do centro da cidade. O goberno local vén de adxudicar a redacción do proxecto por un orzamento de case 400.000 euros.
A Xerencia de Urbanismo adxudicou a redacción do Plan Especial de Protección do Ensanche histórico de Vigo por un importe de case 400.000 euros. A empresa adxudicataria, Oficina de planeamento S.A., terá por obxectivo fundamental impulsar a protección e rehabilitación do noso patrimonio construído tendo en conta, dixo o rexedor, que o Ensanche de Vigo é o de maior valor arquitectónico de toda Galicia. O plan, que é “imprescindible” abarcará máis de 900 inmobles do centro da cidade o que redundará en maior habitabilidade ademais de aumentar a oferta de vivendas mantendo sempre o patrimonio arquitectónico da cidade.