Sorteadas no Pleno a composición das 372 mesas electorais dos comicios europeos do 9 de xuño
O pleno da Corporación Municipal de Vigo celebrou este luns a sesión protocolaria do sorteo para formar as 372 mesas dos 80 colexios electorais conformados en Vigo con motivo das eleccións europeas do próximo 9 de xuño. O censo electoral ascende a 236.826 persoas.
O Pleno do Concello de Vigo celebrou este luns o sorteo para elixir aos presidentes e vogais das mesas electorais que se constituirán para os comicios europeos do próximo 9 de xuño. Os membros a elixir para as mesas suman 3.348 persoas.
A partir de agora ábrese un prazo de tres días de notificación ás persoas seleccionadas.
A Corporación seguiu o procedemento establecido polo que os edís do PSOE, PP e BNG dixeron, por quenda, en voz alta e ao azar un número entre o 1 e o 999. Deste xeito, determinaron 9 cifras iniciais e outras 3 adicionais para suplentes ante posibles renuncias.
Un programa informático fixa ao azar, cos números determinados no pleno, aos elixidos en cada unha das 372 mesas despregadas en 80 colexios.