O Museo Quiñones de León acolle unha mostra con fotografías de Alice Austen
A primeira tenente de alcaldía, Carmela Silva, e o concelleiro de Cultura, Gorka Gómez, inauguraron no Museo Quiñones de León a mostra “Alice Austen. Desfacer o xénero”, con obras da creadora norteamericana que está considerada unha das primeiras e máis prolíficas fotógrafas dos Estados Unidos, e precursora da liberación das mulleres. A mostra está composta por 36 fotografías a muro, 3 wallpaper e 11 fotografías en vitrina.
