A Femp propón ao Ministerio de Transición Ecolóxica impulsar actuacións locais para favorecer o aforro e a eficiencia enerxética
Na reunión mantida este mércores pola Xunta de Goberno da Femp coa Secretaria de Estado de Enerxía, Sara Aagesen, Abel Caballero apuntou que o cambio a LED das luces incandescentes aforraría en iluminación pública ata o 85% do consumo de enerxía, apuntando a capacidade de aforro que pode representar o illamento térmico dos case 300.000 edificios públicos.
No transcurso do encontro, a Xunta de Goberno da Federación propuxo a Sara Aagesen diversas actuacións para favorecer o aforro e a eficiencia enerxética desde os gobernos locais. O alcalde de Vigo sinalou a substitución de luminarias incandescentes por LED na iluminación pública, unha medida de aplicación rápida que podería chegar a reducir ata o 85% do consumo de enerxía, unha medida de aplicación rápida que, ademais contribuiría a abaratar a factura da luz dos concellos, que se multiplicou case por tres. Para financiar esta actuación, a Femp propón a utilización de fondos europeos.
Segundo explicou Caballero, esta acción forma parte da proposta remitida desde a Federación ao Goberno, na que tamén se contempla a actuación sobre os máis de 300.000 edificios públicos para mellorar a climatización e, con iso, a súa eficiencia enerxética. Así mesmo, a Femp trasladoulle á Secretaria de Estado o impulso das Comunidades Enerxéticas locais. Segundo explicou o alcalde de Vigo trátase de espazos como, por exemplo, os tellados de polideportivos municipais, que poden utilizarse como soporte para a instalación de placas solares; a enerxía eléctrica obtida coas mesmas podería distribuírse entre os edificios lindeiros favorecendo así o aforro.