"Visita o teu Concello" chega aos escolares do CEIP Sárdoma - Moledo
Case un centenar de rapaces e rapazas achegáronse á Casa Consistorial para coñecer as súas instalacións e o funcionamento da administración local. Abel Caballero deulles a benvida aos alumnos de 5º e 6º de Primaria, que coñeceron de primeira man os Salón de Plenos, a Sala de Prensa, a Sala de Xuntas e máis zonas de traballo do Consistorio. A iniciativa "Visita o teu Concello" pretende achegar a administración a 3.000 escolares de 5º e 6º de Primaria e 1º e 2º de Educación Secundaria. Deste xeito, coñecerán a estrutura, funcións e competencias do Concello, ademais de reflexionar sobre o papel dos gobernos locais. O Concello pon a dispor dos estudantes transporte gratuíto e monitores e monitoras de balde.
![](https://xornal.vigo.org/storage/images/opt/dJOCo1Jhv7eAHrHBg0F2tVLBLqqH85k1XYRqhIvG.jpeg)