O alcalde informou en rolda de prensa dos acordos acadados pola Xunta de Goberno Local para iniciar novas humanizacións e melloras na rede de abastecemento. Amais, engadiu as 129 actuacións que o goberno municipal ten en marcha en toda a cidade cun investimento superior aos 161 millóns de euros.
O Concello rematou as obras de implantación do novo ascensor que une a Praza da Estación co cruce de Urzáiz e Vía Norte ao que dedicou 386.914 euros. Este novo elemento do Vigo Vertical permite salvar 12 metros de altura, ten capacidade para 13 persoas e pode funcionar ata un máximo de 240 veces por hora.
O alcalde avanzou que a Vigo Film Office participará hoxe e mañá no Shooting Locations Marketplace que se celebra en Valladolid, presentando a nosa oferta para converter a Vigo nun estudio audiovisual.