Ultímanse os preparativos para o Trofeo Eixo Atlántico de cruceiros
O VII Trofeo Eixo Atlántico de cruceiros celebrarase do 17 ao 20 de xullo en catro etapas, desde Leixoes a Vigo. O alcalde, Ventura Pérez Mariño, asistiu á presentación da regata organizada polo Real Club Náutico de Vigo e os clubes de vela de Atlántico de Porto, Viana de Castelo, Póboa de Varzim e Baiona.
Pérez Mariño destacou a satisfacción de que se celebre a última etapa da regata en Vigo e desexoulle o mellor aos organizadores e deportistas.
Estímase que un total de 35 veleiros partirán o 17 de xullo de Leixoes a Póvoa de Varzim (15 millas), o 18 chegarán a Viana do Castelo (18 millas), o 19 a Baiona (32 millas) e o 20 de xullo a Vigo (15 millas). Distribuiranse premios de 1.500 euros por categoría.
O Trofeo do Eixo Atlántico é a única regata apoiada e financiada pola Unión Europea e está previsto que se presente no Salón náutico de París, dentro dun programa europeo de turismo náutico destinado á xuventude.
Descargar todas as imaxes
Estímase que un total de 35 veleiros partirán o 17 de xullo de Leixoes a Póvoa de Varzim (15 millas), o 18 chegarán a Viana do Castelo (18 millas), o 19 a Baiona (32 millas) e o 20 de xullo a Vigo (15 millas). Distribuiranse premios de 1.500 euros por categoría.
O Trofeo do Eixo Atlántico é a única regata apoiada e financiada pola Unión Europea e está previsto que se presente no Salón náutico de París, dentro dun programa europeo de turismo náutico destinado á xuventude.