O rexedor avanza que o PXOM recuperará zonas húmidas do Lagares

Con motivo da celebración do Día das Zonas Húmidas, Abel Caballero puxo en valor ante os escolares dos CEIP Balaídos e Seis do Nadal os 314.000 metros cadrados de zonas húmidas da cidade.

martes, 4 feb 2020

O alcalde explicou que Vigo é unha cidade con moita superficie húmida sumando 314.000 metros cadrados, entre los que destacan A Bouza con 4.000 m², Goberna que ten 35.700 m², Muíños (35.000 m²), O Vao (137.000 m²), Fontes-Pertegueiras (15.000 m²), Barreiro (2.700 m²) e Xunqueira do Lagares que ten 114.000 metros cadrados.

Precisamente sobre esta zona húmida explicou Caballero que a nova depuradora de Vigo foi construída de xeito que se preservase, dado que a anterior fora situada no medio dese espazo. Así, engadiu que a visión do Concello é dun “respecto total” polas zonas húmidas, de maneira que o “PXOM vai recuperar zonas húmidas do Lagares eliminadas pola man do home, rompendo o equilibrio máxico do Lagares”. O novo Plan de Ordenación Municipal manterá en toda a senda do Lagares o “respecto escrupuloso” das zonas húmidas e das zonas inundables, recuperando áreas e zonas verdes ao longo do río.

Vigo conmemorou este martes o Día das Zonas Húmidas, baixo o lema “As zonas húmidas están cheas de vida: a biodiversidade das zonas húmidas é importante”, cunha xornada que o alcalde compartiu con 125 escolares de 6º de Primaria dos colexios Balaídos e Seis do Nadal, na que lles transmitiu que o río Lagares “ten vida propia e temos que ser moi respectuosos coas súas zonas húmidas”.

Descargar todas as imaxes