O orzamento do Concello para 2020 reserva 53 millóns ao ámbito social
O alcalde continuou este venres detallando o borrador das contas municipais para o próximo ano, aprobadas onte pola Xunta de Goberno Local. Caballero informou que as áreas de carácter social (Benestar, Igualdade, Emprego, accións públicas sanitarias, Educación e promoción educativa) suman 52,9 millóns, case que o 20% dos 267,7 millóns totais do orzamento.
Por outra banda, as contas para o próximo ano contabilizan algo máis de 3 millóns para as áreas de Medio Ambiente, preto dun 7% máis que no presente 2019. En particular aumenta un 20% a partida para a vixilancia e o mantemento das praias, cun importe que se aproxima aos 650.000 euros.
Abel Caballero referiuse tamén aos 6,35 millóns consignados para Cultura. Nestes capítulos, Museos recibe 2,7 millóns (con partidas de 605.000 euros para o Marco, por exemplo) e os equipamentos culturais, outros 753.000 euros, entre os que se atopan os gastos de xestión e programación do auditorio municipal e a promoción cultural do Mar de Vigo. A Promoción Cultural conta con 1,88 millóns e as bibliotecas, con 970.000 euros. Neste último epígrafe destaca o incremento do 10% na asignación á municipal Neira Vilas, en Martínez Garrido, ata os 285.000 euros.
En materia de Seguridade, o orzamento aprobado para o próximo ano recolle un total de 36,7 millóns de euros e inclúe, con respecto a este ano, 1,1 millóns de euros máis para facer fronte á xubilación anticipada dos axentes da Policía Local de Vigo. Segundo explicou Caballero, pola variación do coeficiente redutor da idade de xubilación (aprobada desde os 59 anos), se incrementa o custe da Seguridade Social sobre a base de cotización para o Concello, cantidade estipulada en 1,1 millóns.
Abel Caballero referiuse tamén aos 6,35 millóns consignados para Cultura. Nestes capítulos, Museos recibe 2,7 millóns (con partidas de 605.000 euros para o Marco, por exemplo) e os equipamentos culturais, outros 753.000 euros, entre os que se atopan os gastos de xestión e programación do auditorio municipal e a promoción cultural do Mar de Vigo. A Promoción Cultural conta con 1,88 millóns e as bibliotecas, con 970.000 euros. Neste último epígrafe destaca o incremento do 10% na asignación á municipal Neira Vilas, en Martínez Garrido, ata os 285.000 euros.
En materia de Seguridade, o orzamento aprobado para o próximo ano recolle un total de 36,7 millóns de euros e inclúe, con respecto a este ano, 1,1 millóns de euros máis para facer fronte á xubilación anticipada dos axentes da Policía Local de Vigo. Segundo explicou Caballero, pola variación do coeficiente redutor da idade de xubilación (aprobada desde os 59 anos), se incrementa o custe da Seguridade Social sobre a base de cotización para o Concello, cantidade estipulada en 1,1 millóns.