O alcalde anunciou esta mañá que o Concello retomará a normalidade nos baldeos e na limpeza de rúas, unha vez que Eiras está ao tope da capacidade permitida nos meses de outono-inverno. A presa está nestes momentos nun 82,75% da súa capacidade, unha porcentaxe que o ano pasado era dun 58,33%.
O alcalde de Vigo saudou este luns a medio centenar de axentes da Policía Nacional que participan nun curso de seguridade no Porto de Vigo e aproveitou para louvar o seu labor. Abel Caballero tamén aproveitou para solidarizarse co axente vigués ferido en Cataluña e coa súa familia.
A cita foi presentada este luns no Concello, coa participación de Nuria Martí e Alberto Campos pola organización. A sétima edición desta carreira solidaria partirá este domingo, 27 de outubro, ás 11h desde a alameda de Bouzas, en beneficio da Asociación Viguesa de Esclerose Múltiple (Avempo) e co obxectivo de acadar os 2.000 participantes.
O programa de cooperación que desenrola Unicef en Siria contou este ano cunha achega do Concello de Vigo de 20.000 euros. Abel Caballero indicou que o proxecto ten como obxectivo levar subministración e servizos esencias de saúde e nutrición para os nenos e mulleres máis vulnerables.